സ്വപ്നം

നിനക്ക് കടം തന്ന സ്വപ്നങ്ങളിൽ ചിലതെങ്കിലും എനിക്കൊരുവട്ടം കൂടെ തിരികെ നൽകാമോ...



മറ്റാർക്കും കടം കൊടുക്കുവാനല്ല...

ഹൃദയഭിത്തിയിൽ തൂക്കാനല്ല..

ചില്ലുഭരണിയിൽ സൂക്ഷിക്കാനല്ല ...



ഒരുവേള എന്നിൽ പൂക്കാൻ മറന്ന ഞാനെന്ന കവിതയെ പൂർത്തിയാക്കാനാണ്..



ഇന്നലെ വരെ നീ എന്നിൽ ഭദ്രമായിരുന്നു... ഇന്നിതാ കാണാതെയായി…

ഈ സന്ധ്യക്കും സ്വപ്‌നങ്ങൾക്കും ഒരേ ചുവപ്പ്..

ഇരുട്ടിനെ പേടിയാണെനിക്ക്..

നാണമില്ലാതെ വലിഞ്ഞുകയറി വരുന്നുണ്ട്

ചിതലോർമ്മകൾ..

പേടിക്കേണ്ട

ഒരു നോട്ടം കൊണ്ടു പോലും ഉണർത്തില്ല

ഞാൻ…

ഇരുട്ടിന്റെ നിലവിളിയിൽ

ചെവിപൊത്തിപ്പിടിച്ച് ഓടുന്ന മാത്രയിൽ നോവിന്റെ വേരിൽ തട്ടി ഒന്ന് വീണു

പൊടിഞ്ഞ ചോരയും, ഓർമ്മകളും തുടച്ചുകൊണ്ട്

പുലരിയിലേക്ക് ഓടുന്ന ഓട്ടത്തിൽ ഹൃദയം മുഴുവൻ അടിച്ചുവാരി..



 ഇനി ഞാനീ കവിത പൂർത്തിയാകട്ടെ..

Popular posts from this blog

ആതി'യിലെ ആധി

'ആതി'യിലെ ആധി April 17, 2023  പൊള്ളുന്ന വേനലിൽ ഉരുകിയൊലിക്കുകയാണ് നമ്മളിപ്പോൾ..കിണറുകളും, കുളങ്ങളും, പുഴകളും വറ്റിവരളുന്നു.. ജലം എത്ര അമൂല്യമാണ്‌ എന്നും, കാടും, മലകളും പുഴകളും കായലും തണ്ണീർതടങ്ങളുമെല്ലാം വിലമതിക്കാനാവാത്ത പ്രകൃതിയുടെ വരദാനമാണ് എന്നും അറിയാതെ നമ്മൾ ഓർത്തുപോവുന്നു. കായൽ വെള്ളത്തിന്റെ തണുപ്പ് പോലെ വായനക്കാരനിലേക്ക് ഒഴുകിയിറങ്ങുന്ന സാറ ജോസഫിന്റെ ഒരു നോവലാണ് 'ആതി'. ആതി എന്ന ജലദേശത്തിന്റെ കഥയാണിത്. ആതി ജലത്തിന്റെ നാടാണ്. നാഡീഞരമ്പുകൾ പോലെ തലങ്ങും വിലങ്ങും തോടുകളും,തണ്ണീർത്തടങ്ങളും, വെള്ളത്തിൽ മുങ്ങി നില്‍ക്കുന്ന കാടുകളും, പൊങ്ങിക്കിടക്കുന്ന കരയും ഉള്ള മൂന്നു കൊച്ച് തുരുത്തുകൾ ചേർന്ന, തണലും തണുപ്പുമാണ് ആതി..പുറം ലോകത്ത് നിന്നും ഒറ്റപ്പെട്ടു കിടക്കുന്ന ആതിയെ ചുറ്റി കണ്ടലുകളുടെ പച്ചവള. ആതിക്ക് ചുറ്റും കായലാണ്...അതിനപ്പുറം തിരക്കിന്റെ മഹാനഗരം. എത്ര കലങ്ങിയാലും തെളിയുന്ന വെള്ളത്തിന്റെ വിശുദ്ധിയിൽ ആതിയുടെ ജീവചൈതന്യം ഓളം വെട്ടിക്കിടന്നു. മണ്ണും വെള്ളവും അനുഗ്രഹിച്ച ദേശം....ആകാശത്തിന്റെ ചോട്ടിൽ, വെള്ളത്തിനു മുകളിൽ പൊന്തിക്കിടക്കുന്ന ആതി.കഥാകൃത്തിന്റെ വാക്കുകൾ കടമെടു...
Read more

ഋതു

May 18, 2022  പുൽനാമ്പുകളിലൂറിക്കൂടിയ, മഞ്ഞുതുള്ളികൾ ചേർത്തുവെച്ച് ഉരുകിത്തീരാത്തൊരു ശിശിരത്തിൻ പുലരികൾ കൊണ്ടെന്റെ ചില്ലകളിൽ ചുംബിക്കുക.. പൊള്ളുന്ന വെയിലിൽ പൊഴിയുന്ന നിഴലുകൾ ചേർത്തുവെച്ചു എരിഞ്ഞടങ്ങാത്തൊരു ഗ്രീഷ്മമായ് നീയെന്റെ ഇലകളെ തഴുകി തലോടുക.. മഴനൂലിൽ കൊരുത്തൊരു പ്രണയത്തെ നിന്നാത്മവിനാൽ പൊതിഞ്ഞ് എന്നിലെ പൂക്കളെ കാലവർഷത്തിനാൽ ചേർത്തുനിർത്തുക.. പകലിരവുകളുടെ ആഴങ്ങളിൽ കൊഴിഞ്ഞുതീരാത്തൊരു വസന്തമായി നിൻ സുഗന്ധം കൊണ്ടെന്റെ വേരുകളെ പൊതിയുക.. ഇനി.. ഓരോ ഋതുഭേദങ്ങളിലും എന്റെ ഭ്രാന്തിന്റെയാകാശത്തിൽ നിലാവായ്...താരമായ്.. തെന്നലായ്.. നീ ..നീയായിരിക്കുക..
Read more

പെൺ ദിനം

പെൺ ദിനം March 10, 2023  കുളിമുറിയിൽ കയറിയപ്പോൾ ചൂട് വെള്ളം കൊണ്ട് വെക്കാത്തതിന് അവളെ പഴിച്ച്, കുളികഴിഞ്ഞ് ചായകുടിക്കാൻ ഇരുന്നപ്പോൾ കറിയിലിത്തിരി ഉപ്പ് കുറഞ്ഞതിനു അവളെ കുറ്റം പറഞ്ഞ്,മുടി ചീകാൻ ചീർപ്പ് തെരഞ്ഞു കാണാത്തതിന് അവളെ ശകാരിച്ച്‌ ,നേരം വൈകി എന്ന് പിറു പിറുത്തു കൊണ്ട് അയാൾ വേഗം നടന്നു, ഇന്ന് ടൌൺ ഹാളിൽ വെച്ച് നടക്കുന്നന് വനിതാ ദിന പരിപാടിയിലെ, 'സ്ത്രീ സമത്വവും, സ്വാതന്ത്ര്യവും' എന്ന വിഷയത്തിൽ മുഖ്യ പ്രഭാഷകൻ അയാളാണ്.     *******************************************  ഉള്ളിലെരിയുന്ന കനലിനെ പെണ്ണിനോളം ഊതി കത്തിക്കാൻ മറ്റാർക്കാണ് കഴിയുക..അതിനുള്ള ശക്‌തി അവളോളം വേറാർക്കുമില്ല..മനുസ്മൃതിയെ ശെരി വെച്ചുകൊണ്ടാണ് ഓരോ പെണ്കുട്ടിയും ഇന്നും പിറന്നു വീഴുന്നത്.. "പിതാരക്ഷതി കൗമാരേ,ഭർത്താ രക്ഷതി യൗവനേ, പുത്രോ രക്ഷതി വാർദ്ധക്ക്യേ.ന സ്ത്രീ സ്വാതന്ത്ര്യമർഹതി". അല്ലെങ്കിൽ,നമ്മുടയൊക്കെ മനസ്സിൽ അങ്ങനെ ഒരു ധാരണ നാം ഊട്ടിയുറപ്പിച്ചിരിക്കുന്നു..അവൾ എല്ലാക്കാലവും സംരക്ഷിക്കപ്പെടേണ്ടവൾ ആണ്.. അതിനർത്ഥം അവൾക്ക് ആഗ്രഹങ്ങളോ,സ്വപ്നങ്ങളോ ഇല്ലെന്നല്ല..ഒരാളുടെ സംരക്ഷണയിൽ കഴിയാൻ ആഗ്രഹിക്കുന...
Read more